‘Madrasta of English‘ é o nome da páxina web que creou a profesora María Cristina Peña, unha docente que ao longo dos seus anos como profesional do ensino foi recollendo diferentes materiais en torno á materia de Inglés dirixidos aos distintos niveis académicos.
A páxina ten unha estrutura moi sinxela, polo que desenvolverse a través das súas opcións de menú resulta intuitivo. Que recursos podemos consultar? Dende tarxetas para traballar o vocabulario a actividades para repasar os principais aspectos da gramática. Tamén hai exercicios para deleterar, Reading, Writing e Listening. Nese sentido, o site ‘Madrasta of English‘ incorpora un apartado específico dedicado á Fonética no que, por exemplo, a súa creadora incluíu unha táboa onde os alumnos poden escoitar todos os sons fonéticos da legua inglesa.
Wiki de cienciasOtra parte importante é a dedicada aos dicionarios on-line, onde se engadiron enlaces que levan ás páxinas de Oxford, Cambridge e McMillan. Así mesmo, destaca o dicionario visual Merriam Webster formado por máis de 6.000 imaxes coas súas respectivas descricións. Mentres tanto, e pensando no alumnado de Infantil e de Primaria, encontramos distintas cancións acompañadas de divertidas imaxes para que empecen a pronunciar as súas primeiras palabras en inglés.
Xunto á páxina ‘Madrasta of English‘, María Cristina Peña creou tamén unha wiki de sciencies (ciencias) para os estudantes de 3º de Primaria con unidades dedicadas ao corpo humano, a auga, as plantas, as paisaxes, os sentidos… Como materiais de apoio, introduciu xogos e vídeos explicativos para axudarlles a entender dun modo ameno e divertido os aspectos principais de cada unha destas unidades.
Our English Corner's Blog 